Zurück

ⓘ Sprengstoffanslag vun Ansbach




Sprengstoffanslag vun Ansbach
                                     

ⓘ Sprengstoffanslag vun Ansbach

De Sprengstoffanslag vun Ansbach an ‘n 24. Juli 2016 weer en Sülvstmoordanslag in de Ooldstadt vun Ansbach. Dor hannelt sik dat um den eersten Sülvstmoordanslag in Düütschland bi. Dor hett de islamistische Terrorist Mohammed Daleel laat an’n Avend mit en Rucksackbombe tominnst 15 Lüde bi verwunnt un is sülms umkamen. He weer en 27-jöhrigen Flüchtling ut Syrien, de siet twee Johre in Düütschland leevt hett. Just vordem weer em kunnig maakt wurrn, datt he na Bulgarien afschaven weern scholl, vunwegen, datt he dor al mol en Andrag stellt harr un dor ok Asyl kregen harr.

                                     

1. Wat passeert is

An’n lesten Dag vun dat Musikfestival Ansbach Open, datt elk Johr dree Dage lang in de middelfränksche Bezirkshööftstadt Ansbach stattfinnen deit, versoch de Ansläger as Rucksackbomber up den Festivalplatz an de Residenz Ansbach to kamen. Dat weer en Sönndag. Vunwegen den Amokloop in München an’n 22. Juli 2016 sünd de Lüde an’n Ingang gründlich kuntrolleert wurrn. So is he nich rinlaten wurrn, vunwegen datt het keen Intrittskaarten bi sik harr. He is denn kort in’e Wienstuven bi’n Ingang gahn. De Wienstuve schenk an düssen Dag buten vor de Döör ok ut. Dor seten to de Tied vun den Anslag bi 20 Gäste, as gegen Klock 22.12 de Bomben hooch gung. Dor hannel sik dat um en ehrder man swacken Sprengsatz bi De Ansläger is dor swaar bi verwunnt wurrn, he konn vun Sanitäters wedder in’t Leven torüchhoolt weern, man is denn doch korte Tied later sturven. 15 annere Lüde sünd ok verwunnt wurrn, veer vun jem swaar, man numms is in Levensgefohr kamen.

As de Sekerheitsbehörden in Düütschland rutfunnen hefft, hannel sik dat hier um den ersten islamistischen Sülvstmoordanslag in Düütschland.

De Terrorist hett noog Materiol tohuse harrt, um noch dree annere Bomben to boen. Up een vun siene Mobiltelefone hett he en Video upnahmen un hett up Araabsch kunnig maakt, he wull Wraak gegen Düütsche utöven vunwegen, datt de Düütschen Muslime umbringen döen. Butendem hett he openbar en Troeed afleggt up den Baas vun de Terrormiliz "Islaamschen Staat" IS, Abu Bakr al-Baghdadi, ab. De IS hett over siene Narichtenagentur kunnig maakt, datt he achter den Anslag stunn un hett den Terroristen "een vun use Suldaten" nömmt.

                                     
  • Staatspräsident vun Albanien 2010: Bi en Massenpanik up de Love Parade 2010 in Duisborg kommt 21 Lüüd to Dood. 2016: De Sprengstoffanslag vun Ansbach is de eerste
  • Juli: De Sprengstoffanslag vun Ansbach is de eerste Sülvstmoordanslag in Düütschland. Dor weert in de middelfränksche Bezirkshööftstadt Ansbach 15 Minschen

Benutzer suchten auch:

...