Zurück

ⓘ Bundsautobahn 623




Bundsautobahn 623
                                     

ⓘ Bundsautobahn 623

De Autobahn verlöpt vun’t Autobahndreeeck Friedrichsthal vörbi an Sulzbach/Saar bit na de Anslussteed Saarbrücken-Ludwigsberg un verbinnt dormit de A 8 mit de A 1.

An’t Enn vun de Autobahn föhrt de rechte Fohrstriepen westlich an’n Stadtdeel Rodenhof un an’t Ludwigsparkstadion vörbi na den Ludwigskreisel L 127 und B 268 un denn wieter över de Saar na de Anslussteed Saarbrücken-Westspangenbrücke vun de A 620. De linke Fohrstriepen dorgegen geiht ööstlich an’n Stadtdeel Rodenhof bargdaal vörbi un föhrt direkt in de BinnenstadtB 41. Ok se krüüzt de Saar un de A 620 AS Saarbrücken-Wilhelm-Heinrich-Brücke un föhrt denn wieter in Richt Goldene Bremm. Dor geiht se över in de franzöösche Natschonalstraat 3 in verlöpt in Richt Forbach/Metz.

De A 623 liegt vullstännig in’n Regionalverband Saarbrücken un stellt en wichtige regionale Verkehrsverbinnen dor. Vun Noorden her, sünners vun de A 1 ut, is se as Streck na Saarbrücken utschillert. Woll föhrt ok de A 1 sülvst in de Binnenstadt vun Saarbrücken an’n Ludwigskreisel, liekers warrt de Feernverkehr op de A 8 leidt un wieter över de A 623, üm an’t Enn vun de A 1 un in’n Oortsdeel Malstatt to starken Verkehr to hinnern.

                                     

1. Bohistorie

Toeerst schüll de A 623 direkt bit in de Binnenstadt vun Saarbrücken verlopen un weer as B 41 boet. De hüütige A 623 is Deel vun disse Bundsstraat wesen un weer later in en Autobahn ümwannelt.

Bit 2011 geev dat en sünnere Beschillern op de A 623: As ehmolige B 41 weern eenige Schiller, de op de A 623 verwiesen schülln, noch mit de Bundsstratentall 41 beschrift. Dat bedrööp ok de Distanztafeln op de A 623. Dat letzte Stück twüschen Saarbrücken-Rodenhof un Saarbrücken-Göderbahnhoff is nich mehr as Autobhan, man as Kraftfohrstraat utschillert, is aver veerstriepig un harr blaue Schiller. Nu sünd meist all disse Schiller uttuuscht un verwiest nich mehr op de B 41. Ok de blauen Schiller an de Utfohrten Rodenhof un Ludwigsberg sünd dorbi nu gegen gele Schiller uttuuscht worrn.