Zurück

ⓘ Preußen (Landschop)


Preußen (Landschop)
                                     

ⓘ Preußen (Landschop)

Preußen is en vörmolige Landschop in dat noordööstliche Middeleuropa. De wichtigsten Öörd weern Königsberg, wat hüdigendags Kaliningrad heten deit un to Russland tohöört, Marienborg un, to’n Deel tominnst, Danzig.

De Grenzen vun de Landschop sünd nich eendüdig fastleggt. Över’n Duum kann een avers seggen, dat Land twüschen de Strööm Wießel un Memel, dat is Preußen. Westlich vun Preußen geiht mit de Pomerellen de Landschop Pommern los, de ööstliche Deel vun Preußen hett woll ok den Naam Lüttlitauen harrt.

Bi den Tweeten Freden vun Thorn is Preußen in dat Johr 1466 updeelt wurrn. De westliche Deel Prutenia Occidentalis is dormols, tohopen mit Danzig un de Pomerellen an dat Königriek Polen gahn. To düssen Deel hören Thorn, Culm un dat Ermland to. De ööstliche Deel Prutenia Orientalis is dormols bi den Ordensstaat bleven. 1525 is düsse Deel ümwannelt wurrn in en weltlich Hartogdom Preußen. Friedrich II. hett bi dat 1. poolsche Updelen beide Delen vun dat ole Preußen in siene Hand tohopenfaten konnt un hett jem up düütsch Oostpreußen un Westpreußen nömmt. Hüde höört de vörmolige Provinz Westpreußen, tosamen mit den Süden vun dat ole Oostpreußen na Polen to, de nöördliche Deel vun Oostpreußen höört ünner den Naam Oblast Kaliningrad na Russland un dat Memelland is hüdigendags en Deel vun Litauen.

In dat Hoge Middelöller is bloß dat Rebeet vun den Stamm vun de Pruzzen inn Oosten vun de Wießel "Preußen" nömmt wurrn. De Pruzzen höörn to de Völkers vun de Balten hento. In dat 13. Johrhunnert is avers de Düütsche Orden kamen un hett de Pruzzen mit Krieg un Gewalt unnerkregen. De poolsche Hartog Konrad I. Mazowiecki harr düssen Orden to Hölp ropen. Dor kreeg he denn dat Kulmerland för 1226. Dor leven dormols Slawen in. 1309 hett de Orden denn ok de Pomerellen mit de Stadt Danzig westlich vun de Wießel innahmen. Brannenborg un Polen harrn sik al ine Haar harrt wegen düsse Länner. Nu kregen al Länner vun den Düütschen Orden den Naam "Preußen" weg, egol, ob se nu westlich oder ööstlich vun de Wießel liggen döen. Later na 1701 hett denn de nee Staat Preußen sien Naam vun düsse Landschop hernahmen.

Veel Plattdüütschsnackers kennt den orginalen Naam "Prüßen" nich mehr un bruukt nu den hoochdüütschen Naam "Preußen".

                                     
  • Preußen fröher un nu noch in welke Dialekten: Prüßen betekent dat Volk vun de Pruzzen ok Ooltpreußen Preußen histoorsche Landschop Preußen Staat
  • Den Staat Preußen hett dat vun 1701 bit 1947 geven. De Naam vun düssen Staat is hernahmen vun de Landschop Preußen De hett ehren Naam nu wedder vun den
  • wenn dat dor üm geiht, düütlich to maken, dat de Staat Preußen siene Wuddeln in dat Land Brannenborg hett. Pruzzen Preußen Staat Preußen Landschop
  • Bruunswieksche Landschop Landschop von de Hartogdömer Bremen un Veern  Eemslandsche Landschop Calenberg - Grubenhagensche Landschop Landschopsverband
  • Haßel un Sürsen in n Westen un Winnershusen un Ohrel in n Noordwesten. De Landschop vun de Annerlinger Feldmark is prägt vun Wischen un Weiden mit en poor
  • Geestborn höört. Na Süüdoosten slutt sik de Eenheitsgemeen Bremervöör an. De Landschop is landweertschopplich nütt un prägt. De Oort besteiht ut twee Delen
  • na n Oosten hen. In n Süüden vun Söttmer liggt de Gemeen Hellweeg. De Landschop warrt prägt dör de beiden Strööm Wümm un Wiest un bargt veel Moorland
  • warrt siet 2014 en Draisinenbahn bedreven. Siet 1977 gifft dat de Kunst - Landschop Springhoornhoff mit en ganze Reeg Kunstwarken in Neenkerken un in de Dörper
  • un an dat Düvelsmoor. De Oort liggt op en lüttje Geestinsel in düsse Landschop Dat Water ut dat Rebeed flütt över dat Karkenfleet un de Ole Worp na
  • Vereen Naturschuulpark den Hoff Tütsbarg as Landschopspleeghoff, üm de Landschop in dat Naturschuulrebeed Lümbörger Heid to bewohren. De Vereen hett den

Benutzer suchten auch:

...